విందాం - నేర్చుకుందాం--నేటి రేడియో పాఠం--తేది : 04.09.2019--విషయము : పరిసరాల విజ్ఞానం--పాఠం పేరు : "మన గ్రామం"--తరగతి : 3వ తరగతి--సమయం : 11-00 AM--

విందాం - నేర్చుకుందాం
నేటి రేడియో పాఠం

 ➧ తేది : 04.09.2019
 ➧ విషయము : పరిసరాల విజ్ఞానం
 ➧ పాఠం పేరు : "మన గ్రామం"
 ➧ తరగతి : 3వ తరగతి
 ➧ సమయం : 11-00 AM
➧ నిర్వహణ సమయం : 30 ని.లు
మన గ్రామం
బోధనా లక్ష్యాలు:
విద్యార్థినీ విద్యార్థులు :
• మన గ్రామం ఏమిటో తెలుసుకుంటారు.
• గ్రామంలో ఉండే సమస్యల గురించి తెలుసుకుంటారు.
• గ్రామ పంచాయితీ వీధుల గురించి తెలుసుకుంటారు.
• గ్రామానికి గల రవాణా సౌకర్యాల గురించి తెలుసుకుంటారు.
• గ్రామంలో గల వివిధ వృత్తుల వారి గురించి తెలుసుకుంటారు.
బోధనాభ్యసన సామగ్రి:
• 1. సామాజిక సంస్థల పేర్లు, వాటి విధులు రాయబడిన చార్టు.
• 2. సామాజిక సంస్థల పేర్లు రాయబడిన చీటీలు.
• 3. పాఠ్యపుస్తకం.
• 4. గ్రామంలోగల ప్రార్థనామందిరాల చార్డు.

✡ప్రపార పూర్వ కృత్యాలు:*
 *కార్యక్రమంలో నిర్వహించబోయే కృత్యాల నిర్వహణపై అవగాహన కలిగి ఉండాలి.*
కృత్యం-1:
• ఒక చార్టులో క్రింది విధంగా రాసి పెట్టుకొని కృత్యం చేసే సమయంలో బోర్డుపైఅంటించాలి.
*సామాజిక సంస్థలు -- వాటి విధులు*
1. గ్రామ పంచాయితీ  ( )  ఎ. నీటిని నిల్వ చేసేది

2. పోస్టాఫీసు  ( )  బి. డబ్బును దాచే స్థలం

3. ప్రాథమిక ఆరోగ్య కేంద్రం  ( )  సి. పశువులకు వైద్యం చేసేది

4. పశు వైద్యశాల  ( )  డి. చదువు నేర్పే స్థలం

5. బ్యాంకు  ( )  ఉత్తరాలను చేరవేయడం

6. పాఠశాల  ( )  దేవుడు ఉండే స్థలం

7. వీళ్ళు ట్యాంకు  ( )  మనుషులకు వైద్యం చేసేది

8. ప్రార్థనా మందిరం ( ) వీధులు శుభ్రం చేయడం
కృత్యం-2:
ఆట
ఈ కార్యక్రమంలో నిర్వహించబోయే ఆటను ఆడించే విధానాన్నీ తెలుసుకొని ఉండాలి.
ఆట ఆడించే విధానం :
• తెల్ల కాగితాన్ని 8 చీటీలుగా చించి, ఒక్కొక్క చీటీ పై ఒక్కొక్క సామాజిక సంస్థ పేరును రాయాలి.
• ఇలా 3 సెట్లు చీటీలను సిద్ధంగా ఉంచుకోవాలి
• ఆ మూడు సెట్ల చీటీలలో ఒక దానిని నల్లబల్ల వద్ద; రెండవ సెట్ చీటీలను తరగతి గది మధ్యలో, మూడవ సెట్ చీటీలను తరగతి గదిలో చివరన ఉంచాలి.
• ఆ మూడు సెట్ల చీటీలను అభిముఖంగా విద్యార్థులను రెండువరుసలలో నిలబెట్టాలి.
• రేడియో టీచర్ ఏదైనా ఒక సామాజిక సంస్థ పేరు చెపుతుంది.
• రెండు వరుసలలోని విద్యార్థులు మూడు సెట్లలో గల ఆ సామాజిక సంస్థ పేరు గల చీటిని వెదికి టీచర్ కి ఇవ్వాలి.
* రేడియోలో గంట శబ్దం వినిపించగానే వెదకడం ఆపివేయాలి.
• చీటీలను వెదికే సమయంలో పిల్లల మధ్య తోపులాట జరుగకుండా చూడాలి.

*కార్యక్రమములో ప్రసారమయ్యే పాటను చార్డుపై స్పష్టంగా రాసి తరగతి గదిలో ప్రదర్శించాలి.*
పాట
పల్లవి :
గ్రామాలన్నింటిలో ప్రత్యేకం
మన రంగాపురం గ్రామం
సకల సేవల సౌకర్యం
సమస్త పల్లెలకు ఆదర్శం   //గ్రామాల//

చరణం 1:
చిన్న చిన్న కొండలతో
నదీనీరు పాగుతుండగా
ప్రకృతిమాత ఒడినిండగా
పచ్చదనంతో పర్వసించేమగా   //గ్రామాల//

చరణం 2:
కష్టనష్టాలు ఎన్నున్నా
ఒకరి కొకరు తోడుగా
పగలు రాత్రి ఎప్పుడైనా
సమన్వయంతో  సాగెనుగా  //గ్రామాల//

చరణం 3:
 అనేక వృత్తుల వారున్నా
భిన్న కులాలు  ఎన్నున్నా
గ్రామాభివృద్ధికై ఐక్యతాభావం   //గ్రామాల//

పాట ప్రసార సమయంలో
• మొదటిసారి పాట వచ్చే సందర్భములో చార్టులోని పాటను వేలితో లేదా పాయింటర్ తో చూపిస్తూ చదవాలి.
• రెండవ సారి పాటను, చార్టును చూపిస్తూ రేడియోలో వచ్చే పాటతో జతకలుపుతూ పాడించాలి.